‘Homeland Justice’ ka publikuar dokumente të tjera nga skedarët e policisë.
Gazetari Eni Ferhati sqaron se janë publikuar të dhëna të personave që dyshohet se janë të përfshirë në ngjarje kriminale.
Në dokumente shfaqen të dhënat e personave si emër, mbiemër dhe foto.
Dyshohet se hakerat mund të jenë futur në sistemin Memex, në të cilin ka të dhëna shumë sensitive.
Rreth 2 javë më parë, grupi i hakerave iranianë “Homeland Justice” publikoi video nga disa pika kufitare dhe dhoma shoqërimi në komisariate.
Ndërkohë, më herët, ata kanë publikuar listën e personave të shpallur në kërkim nga policia e Vlorës dhe Tiranës, të dhënat nga sistemi TIMS për hyrje-daljet e ish-drejtorit të Policisë së Shtetit, Gledis Nano si dhe planet për atentate ndaj ish-kreut të PD, Lulzim Basha dhe kryeministrit të Kosovës, Albin Kurti.
Që prej vitit 2021, autoritetet shqiptare janë përballur me sulme kibernetike.
Një sulm kibernetik u shënua më 15 korrik të 2022, i cili bllokoi të gjitha faqet zyrtare shtetërore dhe platformën e shërbimeve online e-Albania.
LEXONI GJITHASHTU:
