Gazetari: Një nga urdhër-arrestet e SPAK për 1 personazh më të fuqishëm se Suel Çela

21 urdhër arreste u lëshuan nga SPAK, mes të cilëve gazetarë, drejtues policie dhe ish-gjyqtarë në kuadër të një operacioni ndërkombëtar.

Gazetari Lavdrim Lita tha në emisionin Now në Euronews Albania se provat lidhur me këtë operacion kanë ardhur në sajë të përgjimeve nga SKY ECC.

Ai tregoi se mes urdhër arresteve të SPAK është edhe një për një personazh më të fuqishëm se Suel Çela një biznesmen që sipas tij është një njerëzit e rëndësishëm të malavitës në qarkun e Elbasanit.

“Aty është edhe një personazh tjetër më i fuqishëm se Suel Çela, biznesmeni Bujar Shega, një nga njerëzit më influentë i qarkut të Elbasanit, që ka përcaktuare dhe aleanca politike majtas e djathtas, person shumë influent. Vitet e fundit është marrë me biznes dhe s’i ka trokitur kush në derë. Ai është një nga njerëzit e rëndësishëm të malavitës në qarkun e Elbasanit. Mes urdhër-arresteve bëhet fjalë për 3 ish-gjyqtarë dhe 2 ish-prokurorë, shtëpitë e të cilëve janë bastisur. Sipas SPAK i kanë shërbyer bandës së Suel Çelës”, tha Lita.