Gazetari: Rreth 10 mijë persona të kafshuar nga qentë endacakë në Kosovë

Gazetari Pleurat Salihu është shprehur se qentë endacakë janë kthyer në një problem kryesor në Kosovë.

Komentet Salihu i bëri në një lidhje për emisionin ‘People’ në Euronews Albania, ku tha se në Kosovë numërohen rreth 10 mijë persona të kafshuar nga qentë endacakë.

Ai tha gjithashtu se situata më problematike është në Prishtinë, pasi sipas tij, atje qentë endacakë i gjen në çdo rrugë e shesh.

“Janë ankuar banorët për qentë endacakë. Ka pasur ankesa të vazhdueshme dhe nuk është vetëm nga kjo qeverisje. Kosova dhe Prishtina përballet me këtë fenomen. Kjo që nga paslufta ka qenë një vazhdimësi, por në gjithë territorin e Kosovës e kalon 10 mijë që janë kafshuar nga qentë endacakë.

Por Prishtina ka qenë e fokusuar sepse kudo ndodhen qentë në sheshet e qytetit, në rrugë, etj. Nuk ka qenë interes i kësaj qeverie, por situata ka qenë mjaft emergjente për të reaguar, sepse nuk e di momentin kur do të sulmojë. Ka patur shumë fëmijë të lënduar. Vetëm këto 2-3 vite janë 2-3 raste fëmijësh të kafshuar”, tha Salihu.

LEXONI GJITHASHTU:

• Rreziku nga qentë endacakë, me dhjetëra të pa vaksinuar në rrugët e Elbasanit
• Kafshët e rrugës, në Durrës vullnetarë të huaj po sterilizojnë qentë dhe macet