Gazetari tregon skemën e prokurorit: Ja si u zbulua skema e AKSH

Gazetari Edison Vatnikaj ka folur mbrëmjen e sotme në emisionin “Review”, me Greta Topjanin, në Euronews Albania, mbi operacionin e zhvilluar nga SPAK për tenderat e AKSH-së.

“Duhet thënë se, për herë të parë, SPAK nuk e ka përfshirë Policinë e Shtetit në këtë operacion, duke pasur parasysh edhe ndikimin e Agasit në strukturat e policisë. AKSH-në e kanë pasur në hetim edhe dy prokurorë të tjerë, Vladimir Mara dhe Elvin Gogaj. Më konkretisht, ka vepruar Bledar Maksuti, nga i cili kanë dalë të dhëna që lidhen me kontrabandën e naftës. Nisur nga Maksuti, hetimi i tenderave është kryer me ekspertë kontabël, të cilët kanë konstatuar se nga 12 tendera, 7 prej tyre kanë pasur shkelje,” – tha Vatnikaj.