Gazetari Ylli Rakipi tregon “shqetësimin e madh” të kryeministrit Edi Rama

Krahas temave të tjera, këtë mbrëmje emisioni “Ilva Now” ka trajtuar dhe aktualitetin politik në Shqipëri. Analisti dhe gazetari i njohur Ylli Rakipi u shpreh kritik ndaj kryeministrit Edi Rama, ndërkohë shtoi se atij nuk është për t’i besuar më.

Ai tha se personi më i trembur në këtë betejë  paraelektorale është Rama, ndërsa këtë e argumenton me faktin, që ai synimin kryesor e ka të humbasë sa më ngushtë më 25 prill 2021.

Gjithsesi ai shton se kjo fushatë do jetë fushata më e ashpër, që kanë parë ndonjëherë shqiptarët.

“Më i shqetësuar është Edi Rama, pasi synon të dalë pa humbje të madhe. Fushatë shumë e ashpër, do të jetë ndoshta fushata më e ashpër që është zhvilluar në Shqipëri. Do jetë e ashpër, sepse opozita nuk do ta lë me kaq”, tha Rakipi.

Nga ana tjetër, analisti Aleksandër Çipa beson se kjo fushatë do jetë me kosto të madhe ekonomike.

“Shqipëria do të ketë fushatën më me kosto, që ka përjetuar ndonjëherë”, shtoi Çipa.

Intervista e plotë: 

Lexoni gjithashtu: 

“Do jetë fushata më e ashpër që është parë ndonjëherë”, analistët Rakipi e Çipa skanojnë palët politike