Gazment Bardhi: Çdo qytetar i Elbasanit ka ndezur dritën e shpresës

Drejtuesi politik i Partisë Demokratike në qarkun e Elbasanit, Gazment Bardhi u shpreh optimist për rezultatin e zgjedhjeve të sotme.

Gjatë një komunikimi për mediat, z. Bardhi ftoi Partinë Socialiste t’i caktojë numëruesit e saj në mënyrë të të fillojë procesi leximit të vullneti të qytetarëve sa më parë. Ai tha se çdo familje në Elbasan ka ndezur dritë shprese për të ardhmen e tyre.

“Të nisim sa më parë procesin e numërimit. Të jetë proces i qetë dhe korrekt, ftoj  PS t’i caktojë numëruesit e saj në KZAZ, ku jemi aktualisht dhe të të jenë të sigurt që çdo qytetar i Elbasanit ka ndezur një dritë shprese për veten, familjen dhe fëmijët e tyre”, tha Bardhi.

Sekretari i përgjithshëm i PD-së komentoi edhe deklaratën e z. Balla, i cili theksoi më parë se PS-ja do marrë nëntë mandate.

“Unë nuk komentoj deklaratat e humbësve, unë jam këtu për t’i dhënë një mesazh të qartë falënderimi çdo qytetari të Elbasanit dhe të gjithë bashkive brenda qarkut të Elbasanit dhe faleminderit që u bëtë pjesë e ndryshimit, për të cilin Shqipëria ka pasur nevojë jo sot, por gjatë këtyre tetë viteve”, tha ai.