Gazment Bardhi tregon se PD ka skualifikuar kandidatë me probleme që në fazën e parë

Sekretari i Përgjithshëm i Partisë Demokratike, Gazment Bardhi, tha në studion e “Ilva Now” se në formularin me më shumë se 40 faqe ku paraqiteshin gjithë figurat e PD-së ka pasur persona me probleme.

“Ka pasur persona që ka rezultuar se nuk mund të vazhdonin më tej procesin e vlerësimit dhe për këtë arsye janë skualifikuar që në fazën fillestare për shkak se ose nuk plotësonin kriteret statutore, ose prekeshin nga ligji i dekriminalizimit,” – u shpreh Bardhi.

Pyetur nga gazetarja Ilva Tare nëse Lulzim Basha ka kërkuar në mbledhjen e fundit që të verifikohen kandidatët potencial nëpër qarqe, Bardhi e mohoi diçka të tillë edhe pse theksoi se secili kryetar partie ka të drejtë të japë mendimin e tij mbi kandidatët.

Në pozicionin e drejtuesit politik të qarkut të Elbasanit, Bardhi tha se do të japë opinionin e tij për secilin prej kandidatëve të mundshëm ndërkohë që theksoi se nuk ka asnjë kandidat të konfirmuar në asnjë qark.

Ndiqni diskutimin e plotë:

Lexoni gjithashtu: 

Gazment Bardhi: Në Qarkun e Elbasanit, PD synon të marrë 8 mandate

Kandidatë “fake” për deputetë, Mentor Kikia debat me Gazment Bardhin për ‘listën e përbashkët’ PD-LSI

”Kriza politike prej mungesës së të majtës”, Adrian Thano: Asnjë palë s’ka moral për të qeverisur