Ish-deputeti i Partisë Demokratike Gert Bogdani ka deklaruar të dielën se do të marrë pjesë në primare për t’u shpallur kandidat i opozitës për kryebashkiak i Tiranës.

Disa ditë më parë, kandidaturën për primaret e Tiranës e ka shpallur edhe deputeti Belind Këlliçi.

Në një deklaratë për mediat Bogdani tha se Tirana ka nevojë më shumë se kurrë për ndryshim.

“Koha për ndryshim është tani. Shpallja e kandidaturës në këtë proces primaresh është zotimi im për të shërbyer me përkushtim dhe përulësi, për t’i prirë kthesës për ndryshim që Tirana kërkon dhe meriton si metropol i shqiptarëve brenda dhe jashtë vendit,” – u shpreh ai.

Sipas tij Tirana mund të rimëkëmbet vetëm nëpërmjet një vizioni të qartë të bazuar mbi transparencë dhe një programi që ka në qendër mirëqenien dhe dinjitetin e qytetarit.

LEXONI GJITHASHTU:

• Gerti Bogdani sulmon Erion Veliajn: Përgjegjësi kryesor për ndërtimet pa leje
• PD publikon udhëzimin për Primaret në Tiranë, Durrës dhe Elbasan