Gianni de Biasi tregon muzikën që futbollistët dëgjonin para se të dilnin në fushë

Ish-trajneri i Kombëtares Shqiptare, Gianni de Biasi, deklaroi se futbollistët dëgjonin himnin kombëtar para se të dilnin në fushë.

Në një intervistë për “Euronews Albania”, de Biasi u shpreh se trajneri aktual, Edoardo Reja ka kaluar sfida të vështira ku ka pasur fitore por dhe humbje.

Ai nënvizoi se i takon presidentit të FSHF-së për të vendosur në lidhje me të ardhmen e teknikut 76-vjeçar në stolin kuqezi.

“Nuk e di. Besoj se himni kombëtar është muzika më motivuese para se të fillojë një ndeshje. Si ne që ishim në stol dhe gjithë të tjerët, e këndonin me pasion të madh. Mendoj se Edoardo ka kaluar beteja të shumta me suksese dhe dështime.

Unë jam nga ana e trajnerit, që besoj se ka kompetenca dhe eksperiencën për të dhënë një dorë në situata të tilla. Mbi të gjitha është presidenti, një ekspert, pjesëtar i bordit të UEFA-s që mund ta gjykojë”, theksoi ai.

Mbrëmjen e sotme, Shqipëria do të përballet me Islandën në “Air Albania”, për ndeshjen e fundit të Ligës së Kombeve.

LEXONI GJITHASHTU

• Dështimi në Ligën e Kombeve, Shqipëria me sulmin më të dobët
• Sonte luhet Shqipëri-Izrael, trajneri Reja i beson sulmin Brojës dhe Uzunit