Gjendet e vdekur me plumb në kokë gruaja, letra fundos të birin. Shpallet në kërkim

Një grua e moshuar e moshës 71-vjeçare është gjetur e vrarë me armë zjarri në afërsi të një parku në Chalkidona të Selanikut.

I dyshuari kryesor, i cili është shpallur në kërkim në lidhje me vrasjen, është i biri i gruas në fjalë, 34-vjeçari që shihni në foton e mësipërme.

Dyshohet se i riu i ka drejtuar pushkën në kokë nënës së tij dhe ka tërhequr këmbëzën, me pasojë vdekjen e menjëhershme të 71-vjeçares. Ajo u gjet e pajetë mesditën e së martës, në sediljen e pasagjerit të makinës së parkuar pas godinës së Drejtorisë së Bujqësisë, me kafkën e shpërbërë.

Hetuesit e Departamentit të Krimeve Kundër Jetës kanë mundur të gjejnë një fletë të shkruar prej 34-vjeçarit. e cila është prova që i ka dhënë një kthesë 180 gradë hetimeve.

Sipas mediave greke në shënimin e gjetur nga policia, 34-vjeçari ka përmendur se kishte probleme financiare dhe se nëna e tij përballej me probleme të rënda psikologjike, gjë që dyshohet se ka qenë dhe motivi i krimit.

Policia po vijon punën për kapjen dhe nxjerrjen para drejtësisë të autorit 34-vjeçar.

LEXONI GJITHASHTU:

• VIDEO/ Arrestohet 30-vjeçari, momentin kur vjedh paratë në një klinikë
• Me dy pushkë dhe 1 pistoletë pa leje, arrestohet 52-vjeçari