Një 30 vjeçar është gjetur pa shenja jete në hollin e një hoteli në Prishtinë, i cili ndodhet në afërsi të sheshit “Zahir Pajaziti”.
Në një komunikatë të bërë publike nga mediat në Kosovë, zëdhënësja e policisë për rajonin e Prishtinës, Flora Ahmeti e cilësoi vdekjen si të dyshimtë.
Ahmeti nënvizoi se trupi i pa jetë do t’i nënshtrohet autopsisë, ndërkohë që një hetim në lidhje me rastin po vijon.
- Advertisement -
“Aktualisht policia ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit, ndërkohë që trupi i pajetë i viktimës është dërguar për obduksion”, tha Ahmeti.