Gjendet lëndë shpërthyese jashtë një lokali, forcat xheniere në vendngjarje.

Policia e Kurbinit njofton se një sasi lënde plasëse është gjetur e pashpërthyer në ambientet e jashtme të një lokali. Në vendngjarje kanë mbërritur forcat xheniere që po kryejnë veprimet e nevojshme për demontimin e lëndës plasëse.

Policia po vijon punën për të zbardhur rrethanat e ngjarjes dhe për të identifikuar personat që mund ta kenë vendosur lëndën plasëse jashtë ambienteve të lokalit të shtetasit I. N., 52 vjeç,

“Rreth orës 11:10, në ambientet jashtme të lokalit në pronësi të shtetasit I. N., 52 vjeç, është konstatuar një sasi lënde e dyshuar djegëse dhe një kallëp i dyshuar me lëndë plasëse. Menjëherë janë njoftuar ekspertët xhenierë, të cilët po kryejnë veprimet e nevojshme për çaktivizimin e saj. Grupi hetimor ndodhet në vendngjarje dhe vijon punën për sqarimin e plotë të rrethanave të rastit dhe identifikimin e autorit/ve,” thuhet në njoftimin e policisë.