Gjeorgjia në udhëkryq, ish-republika sovjetike voton të dielën të ardhmen evropiane

Gjeorgjia u drejtohet qendrave të votimit të shtunën për zgjedhjet parlamentare që për shumë qytetarë do të jenë më të rëndësishme të jetës.

Zgjedhjet do të vënë përballë një koalicion partish opozitare ndaj partisë në pushtet, Ëndrra Gjeorgjiane, e cila po e tërheq vendin drejt autoritarizmit dhe larg Bashkimit Evropian.

Brukseli e vendosi përpjekjen e Gjeorgjisë për anëtarësim në pritje në muajin gusht, pasi qeveria kaloi më herët ligjin e stilit rus, që kufizon lirinë e shprehjes.

Partia në pushtet argumenton se përmes tij do të parandalojë ndërhyrjen e aktorëve të jashtëm për destabilizimin e vendit, por aktivistët thonë se qëllimi është stigmatizimi i tyre dhe kufizimi i debateve para zgjedhjeve.

Shumë gjeorgjianë druhen se, nëse Ëndrra Gjeorgjiane do të fitojë sërish, shpresat për t’u bashkuar me BE-në mund të zhduken përfundimisht.

Në një intervistë për Euronews, kryeministri i vendit e cilësoi bashkimin me familjen evropiane një zgjedhje historike për Gjeorgjinë dhe popullin e saj.

Sinkron Irakli Kobakhidze, kryeministër i Gjeorgjisë: “Të jesh pjesë e familjes evropiane është një zgjedhje historike për Gjeorgjinë dhe gjeorgjianët. Ne jemi një komb i krishterë dhe Evropa ka qenë gjithmonë e lidhur me krishtërimin. Ajo e ka mbrojtur atë, përfshirë krishtërimin gjeorgjian. Kjo është arsyeja përse Evropa ka qenë gjithmonë një zgjedhje e natyrshme për vendin dhe qytetarët”.

Për të treguar prirjet pro-evropiane, në ish-republikën sovjetike janë mbajtur së fundmi një seri protestash qytetare me sloganin “Unë votoj pro-Evropës”.

• Austin në Kiev për bisedime me udhëheqjen ukrainase
• Presidentja e Gjeorgjisë jep mesazhin pro-evropian në mitingun e opozitës