25 fitore dhe 4 barazime, Leverkusen fiton kështu titullin kampion, që u shoqërua me një festë spektakolare në Bay Arena, ku tifozët pushtuan fushën dhe festuan me idhujt e tyre.
Një sezon fantastic nga aspirinat, që fitojnë për herë të parë titullin kampion në Gjermani në historinë 120 vjecare të skuadrës. Duhej ardhja e Xabi Alonson, ish mesfushorit të Spanjës që trofeu të vinte në ishullin e aspirinave, por duke vendosur dhe një rekord historik në Evropë.
Leverkusen nuk zhgënjeu as në ndeshjen e javës së 29 ndaj Werder Bremen, duke e mposhtur këtë të fundit në shifrat 5-0. Dominim absolut dhe eurogola nga të besuarit e Alonsos që gjetën avantazhin me Boniface me anë të 11 metërshit.
Nw fraksionin e dytë ishte Xhaka me një supergol e pas tij Wirtz me një perlë nga repertori i 20-vjeçarit. Ky i fundit ishte në ditën e tij më të mirë, duke shënuar dhe 2 herë të tjera e hipotekuar tripletën, por dhe fitoren në shifrat 5-0 të Leverkusen, që i jep të drejtë të festojë titullin kampion, kaq shumë të dëshiruar.
Diferenca me rekordmenët e Bayern është 16 pikë, diçka që rrallë ndodh në futbollin gjerman, të thyesh hegjemoninë e një ekipi që e fitoi titullin për 11 vite radhazi, e për këtë u desh ardhja e një Leverkuseni me ide dhe dëshirë, madje jo duke shpenzuar shuma marramendëse, por duke afruar lojtarë të frytshëm, të cilët pasionin e vetëm kanë futbollin.
LEXONI GJITHASHTU:
