“S’mund të luajmë kungulleshkash” – Debat Salianji-Gogu në komisionin për TIMS

Komisioni Hetimor për sistemin TIMS ka nisur ditën e sotme me debate. Deputeti socialiste Toni Gogu ka kërkuar që mbledhja e sotme të jetë vazhdimi i mbledhjes së kaluar.

“Nëse ju doni të konsideroni votim atë që ndodhi mbledhjen e kaluar nuk është as në nderin personal as në reputacionin e këtij komisioni. Çdo kërkesë ka nevoje për vendim të ndërmjetëm”, tha Gogu.

Nga ana tjetër kryetari i këtij komisioni, deputeti demokrat Ervin Salianji u shpreh se tashmë është e vërtetuar se ka ndërhyrje në sistemin TIMS. Sipas tij koleget socialiste nuk mund të ndryshojnë mendim për të zhbërë vendimmarrjen e mbledhjes së kaluar.

“Tani është e vërtetuar ka ndërhyrje në sistemin TIMS, ai sistem përmban të dhëna sensitive, skeda kriminale, të dhëna biometrike, të dhëna policore dhe ndërhyn në privatësinë e qytetarëve të Shqipërisë, por edhe qytetarëve të huaj që kanë hyrë në Shqipëri. Ne nuk mund të luajmë kungulleshka ku kolegë të mazhorancës vijnë dhe thonë unë kam ndryshuar qëndrim nga qëndrimi i mëparshëm. Nuk mund të zhbëhet vendimmarrja e mbledhjes së kaluar”, – u shpreh Salianji.

LEXONI GJITHASHTU:

• TIMSI| Karamuço: Ka të dhëna për amerikanët, ditë të zeza për ata që e fshehin
• Skandali në sistemin TIMS, urdhërat që emëruan ekipin e ri në polici