Qeveria gjermane ka shprehur gatishmërinë për dërgimin e trupave ushtarake në një mision paqëruajtës në Ukrainë.

Një zëdhënës i Ministrisë së Mbrojtjes tha se Berlini mund të angazhohej në një kornizë të tillë, megjithëse theksoi se është ende herët për të hyrë në detaje mbi propozimet konkrete.

Këto deklarata vijnë pas komenteve të kryeministrit britanik Keir Starmer, i cili u shpreh i gatshëm të vendoste trupa britanike në Ukrainë, nëse arrihet një marrëveshje paqeje me Rusinë.

Ndërkohë, kryeministri polak Donald Tusk ka bërë të ditur se Polonia nuk ka plane për të kontribuar me ushtarë në një forcë të tillë.

Këto zhvillime pritet të diskutohen në samitin e liderëve evropianë që po mbahet sot në Paris. Kancelari Olaf Scholz deklaroi për mediat se nuk pritet ndonjë vendim konkret nga bisedimet, por theksoi nevojën për një qëndrim të qartë dhe të fortë të Evropës për Ukrainën.

LEXONI GJITHASHTU:

• Ukraina drejt së panjohurës: BE kërkon përfshirje, Rusia refuzon! SHBA, plan tjetër
• Zelensky: Ukraina nuk u ftua për bisedimet SHBA-Rusi në Arabinë Saudite
• Starmer: I gatshëm të vendos trupa në terren në Ukrainë për të mbrojtur paqen