Gjermania kundër Trump: Bëri gabim me Ukrainën, forcoi Putinin para negociatave
Ministri gjerman i Mbrojtjes, Boris Pistorius, kritikoi presidentin e SHBA-së, Donald Trump, duke e cilësuar si një gabim heqjen e anëtarësimit të Ukrainës në NATO nga tavolina e negociatave me Rusinë.
Në një deklaratë për shtyp gjatë mbërritjes së tij në Konferencën e Sigurisë në Mynih, Pistorius tha se presidenti rus, Vladimir Putin, nuk kishte bërë asnjë lëvizje në pozitat e tij negociuese. Ai tha se edhe SHBA nuk duhej të bënte lëshime përpara uljes në tryezën e bisedimeve.
“Unë mendoj se ishte e papërshtatshme. Mendoj se ishte një gabim,” tha Pistorius, duke komentuar deklaratat e Trump dhe sekretarit të tij të Mbrojtjes. “Do të ishte shumë më mirë të diskutoheshin mundësitë për anëtarësimin e Ukrainës në NATO dhe ndryshimet territoriale gjatë bisedimeve.”
Pistorius shtoi se, nëse vendet evropiane duan të luajnë një rol në marrëveshjen e paqes Ukrainë-Rusi, ato duhet të përfshihen plotësisht në negociata. Kjo deklaratë erdhi dy ditë pas një telefonate mes Trump dhe Putin, e cila u zhvillua pa njoftuar paraprakisht aleatët e NATO-s apo qeverinë ukrainase.
Ai nënvizoi rëndësinë e reformimit të kritereve të borxhit të Mastrihtit të Bashkimit Evropian dhe kufizimit të borxhit të vetë Gjermanisë, që do të mundësonte rritjen e shpenzimeve për mbrojtjen nga anëtarët e NATO-s, siç ka kërkuar administrata Trump.
“Askush nuk mund të besojë se më shumë se 2% është e mjaftueshme,” tha Pistorius, duke iu referuar objektivit të NATO-s për shpenzimet ushtarake prej 2% të PBB-së për anëtarët e saj. Ai kujtoi gjithashtu kërkesat e Trump për rritjen e shpenzimeve për mbrojtjen deri në 5% të PBB-së për aleatët evropianë.
Deklaratat e Pistorius vijnë në përgjigje të Sekretarit Amerikan të Mbrojtjes, Hegseth, i cili e quajti të pamundur kthimin e kufijve të vitit 2014 për Ukrianën. Ai gjithashtu tha se SHBA nuk e sheh anëtarësimin e Ukrainës në NATO si pjesë të një zgjidhjeje përfundimtare të konfliktit me Rusinë.
LEXONI GJITHASHTU:
Kryefaqja
Tërmetet në Venezuelë, rritet në 1,450 numri i viktimave. 3,150 persona janë plagosur
Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë
Trump kontrollon projektet e rinovimit në Uashington
- 23:00 Begaj takohet me homologun polak: Integrimi i Shqipërisë në BE është domosdoshmëri gjeopolitike
- 22:09 Iranianë në protestë, Softa: Shërbimi sekret do kishte ndërhyrë nëse do të shfaqnin rrezikshmëri
- 21:49 Lulzim Zeqa rrëfen rolin e Jagos te “Otello”: Ambicia e shndërroi në një manipulator të pamëshirshëm
- 21:44 LIVE- Dita e 29-të e protestës, qytetarët nisin marshimin në rrugët e Tiranës
- 21:36 Qiraxhi ndaj detaje: Tentativa për grup drejtues dhe Kuvend janë të dëmshme për protestën
- 21:28 Mes flamingove dhe protestuesve, i riu i ulet në gjunjë të dashurës dhe i propozon për martesë (VIDEO)