“Gjithçka ndodhi pa arsye”, 70-vjeçari denoncon dhunën: Autori është problematik

Një 70-vjeçar denoncon se është dhunuar në ambientet e lokalit të tij në Llakatund të Vlorës.

Bëhet fjalë për Niko Hoxhën, i cili tregon se ngjarja ndodhi të martën gjatë mbrëmjes, në momentet e një feste brenda lokalit.

Sipas tij, autori, 40-vjeçari Sh.D., hyri në lokal dhe fillimisht goditi këngëtarin ndërsa më pas sulmoi vetë Hoxhën.

70-vjeçari thekson se gjithçka ndodhi pa asnjë arsye dhe se nuk ka pasur konflikte të mëparshme me autorin apo me shtetas të tjerë.

Hoxha shton se autori është person problematik dhe i njohur si i tillë në zonë, duke i bërë thirrje policisë që të hetojë më tej dhe të marrë masa ndaj tij.

Ai thekson se nuk kërkon asgjë tjetër, përveç që ngjarja të trajtohet nga drejtësia dhe të mos preken persona të tjerë apo familjarë.

Ngjarja u regjistrua të martën në ambientet e lokalit, ku Hoxha u godit në fytyrë dhe këmbë ndërkohë, ndaj 40-vjeçarit Sh.D. ka nisur procedimi penal nga Prokuroria e Vlorës.

LEXONI GJITHASHTU:

• FOTO/ Dhunohet punonjësi i pastrimit në Vlorë, 70-vjeçari përfundon në reaminacion
• Vlorë, pezullohen mjetet e lundrimit për 24 orë për shkak të kohës së keqe