GJKKO pushon padinë e Lulzim Bashës ndaj Erion Veliajt

Gjykata e Posaçme ka pushuar padinë për shpifje të bërë nga Lulzim Basha ndaj kryebashkiakut Erion Veliaj.

Burime për Euronews Albania, bëjnë me dije se togat e zeza pushuan çështjen pasi në seancë nuk është paraqitur Lulzim Basha por as avokatët e tij.

Padia ka qenë për deklarata të rreme që ka bërë për pasurinë, shtëpi dhe rezidencat.

Basha ngriti padi në tetor të 2020-s për shpifje dhe dëmtim të imazhit të tij nga Veliaj. Akuzat që kryebashkiaku ngriti si drejtues i fushatës së Partisë Socialiste për Tiranën, ishin se Basha u be me 4 shtëpi të reja gjatë periudhës së tërmetit dhe pandemisë si dhe përfitoi nga fatkeqësia e gjithashtu ka ndërtuar kate pa leje.

Padia konsideron si 3 shpifje të Erion Veliajt akuzat se: 1)Kryetari i PD u bë me 4 shtëpi gjatë tërmetit dhe pandemisë, 2) Kryetari i PD ka përfituar gjatë periudhës së fatkeqësisë, 3) Kryetari i PD ka ndërtuar kate pa leje”.

LEXONI GJITHASHTU: 

• Gazetari: Lulzim Basha të bëjë thirrje për ristrukturimin e PD, të futet në garë
• Shtyhet gjyqi i padisë së Bashës ndaj Veliajt për shpifje