GJKKO shpall vendimin për dosjen e “Sterilizimit”

Gjykata e Posaçme shpalli vendimin lidhur me dosjen e Sterilizimit. Ish-zv.ministri i Shëndetësisë, Klodian Rrjepaj u shpall i pafajshëm për grup të strukturuar kriminal, fajtor për vjedhje duke shpërdoruar detyrën, fajtor për falsifikim. Në përfundim ai u dënua me 6 vite burg të cilat ulen në 4 për shkak të gjykimit të shkurtuar.

Biznesmeni Ilir Rrapaj, u shpall i pafajshëm për grup kriminal. Në përfundim, Rrapaj u dënua me 6 vite burg të cilat ulen në 4.

Mjeku Arben Gjata u dënua 3.6 vite të cilat ulen në 2.4. Në përfundim të gjykimit i është pezulluan dënimi dhe është vendosur në shërbim prove për 2 vite.

Genc Byrazeri është dënuar me 1.6 vite që konvertohen përfundimisht me 80 orë punë në interes publik.

Naile Ajazi është dënuar me shërbim prove për 2 vite.

Dënimet për procesin e dosjes së Sterilizimit janë bërë me gjykim të shkurtuar. Ish-ministri i Shëndetësisë Ilir Beqaj po gjykohet veçmas me procedurë të zakonshme. 

Ish-ministri Beqaj dhe 8 personat e tjerë, mes tyre ish-zyrtarë dhe biznesmenë u hetuan nga SPAK për koncesionin e sterilizimit.