Gjokoviç s’e tërheq deklaratën provokuese: Më e pakta që mund të bëja për Kosovën

Tenisti serb, Novak Gjokoviç, nuk tërhiqet nga mesazhi provokues që dha ditën e djeshme gjatë French Open, ku në kulmin e tensioneve në Veri tha se ”Kosova është zemra e Serbisë”.

Gjatë një konference për media të dhënë këtë të martë Gjokoviç vijoi provokimet duke thënë se deklarata e djeshme “është më e pakta që mund të bëjë për Kosovën”.

“Ndjejë përgjegjësinë si figurë publike, nuk ka rëndësi në cilën fushë jap mbështetjen time”, tha Gjokovic.

Deklarata e tenistit serb u dënua nga Komiteti Olimpik dhe Federata e Tenisit të Kosovës.

”Komentet e bëra nga Novak Gjokoviq në fund të Roland Garros ndeshjen kundër Aleksandar Kovaçeviqit, deklaratat e tij në konferencën për shtyp pas ndeshjes, dhe postimi i tij në Instagram paraqesin një sërë aktesh thellë për keqardhje”, deklaroi Federata e tenisit të Kosovës.

LEXO GJITHASHTU:

• Deklaroi se Kosova është zemra e Serbisë, zhgarravitet portreti i tenistit serb
• “Kosova, zemra e Serbisë”,- tenisti serb shkruan mesazhin provokues në France Open