Gjykata dënon kryebashkiakun e Stambollit, zbardhet vendimi

Kryebashkiaku i Stambollit, Ekrem Imamoglu, është dënuar nga gjykata turke me një vit e tetë muaj burg, pa asnjë kufizim në aktivitetin e tij politik.

Sipas vendimit gjyqësor, Imamoglu u dënua me një vit, 5 muaj e 15 ditë për “fyerje publike të një zyrtari publik”, si dhe me dy muaj e 15 ditë për “kërcënime”. Megjithatë, ai u shpall i pafajshëm për akuzën e “shënjestrimit të individëve që kanë shërbyer në luftën kundër terrorizmit”.

Kryebashkiaku i Stambollit u arrestua më 25 mars, me akuzën se ishte pjesë e një organizate kriminale. Arrestimi i tij u pasua nga një valë ndalimesh ndaj dhjetëra administratorëve dhe zyrtarëve lokalë në qytet.

Vendimi ka shkaktuar reagime të forta nga qytetarët e Stambollit, të cilët kanë protestuar për disa ditë radhazi. Gjatë përplasjeve me forcat e policisë janë raportuar dhjetëra arrestime

LEXONI GJITHASHTU:

• Imamoglu: Erdogani e ka shndërruar Turqinë në “republikë frike”
• Ekrem Imamoglu në burg, zgjidhet kryebashkiaku i përkohshëm i Stambollit