Gjykata lë në burg 27-vjeçarin që aksidentoi për vdekje 2 turistët polakë

Gjykata e Shkodrës ka dhënë masën e sigurisë “Arrest me burg”, për David Gjonaj, i cili pak ditë më parë aksidentoi për vdekje dy turistë polakë.

Masa e sigurisë është dhënë nga gjyqtarja Izabela Radovani, teksa gjykata e ka cilësuar të ligjshëm arrestimin e 27-vjeçarit.

Ngjarja e rëndë ndodhi mesditën e 6 majit në aksin Shkodër-KryeBushat ku motori me të cilin udhëtonin 2 turistët është përplasur me një automjet tip “Volkswagen”, që e drejtonte Gjonaj.

Si pasojë e përplasjes kanë ndërruar jetë drejtuesi i motomjetit, shtetasi Waldemar MakoWski, 45 vjeç dhe pasagjerja shtetasja Marta MakoWska 42 vjeçe, nga Polonia.

Nga kryerja e alkool-testit ndaj drejtuesit të automjetit ka rezultuar se nuk kishte konsumuar alkool.

LEXONI GJITHASHTU

• Euronews Albania siguron videon e aksidentit ku humben jetën 2 turistët polakë
• Aksident në Shkodër, humbin jetën 2 turistë