Gjyqi u shty 5 herë, pritet sot vendimi për Arbër Paplekaj

Sot pritet vendimi i gjykatës për fatin e çështjes së vrasjes së Pjerin Xhuvanit. Seanca gjyqësore ndaj Arbër Paplekajt është shtyrë pesë herë.

Shkak është bërë mosshoqërimi i Paplekajt në seancë.

Ngjarja e rëndë ndodhi në 21 prill të vitit 2021, katër ditë përpara zgjedhjeve të 25 prillit. Paplekaj ishte pjesë e grupit të Partisë Demokratike, që ishte ngritur me qëllim mbrojtjen e votës.

Atë ditë, pas një sherri verbal, u përdorën edhe armë; ku mbeti i vrarë Pjerin Xhuvani dhe u plagosën 4 persona të tjerë.

Paplekaj pranoi krimin dhe u vetëdorëzua në Repartin e Forcave RENEA në Tiranë, duke thënë se qëlloi për vetëmbrojtje pasi u qëllua më parë nga persona që, sipas tij, po blinin vota.

LEXONI GJITHASHTU:

• Shtyhet seanca për Arbër Paplekajn, vendimi pritet të merret të hënën
• Dështon seanca për Arbër Paplekajn, nuk ka kapacitete transporti