Godinat 50-vjeçare, Shkreli: Pushtetarët mund të abuzojnë por ja si mund të ndalen

Drejtori i Institutit të Ndërtimit, Artan Shkreli komentoi ligjin për shembjen e ndërtesave që kanë kaluar mbi 50 vjet.

I ftuar në emisionin “Now” në Euronews Albania ai theksoi se në një projekt të gjithë mund të abuzojnë përfshirë dhe pushtetarët ndërsa shtoi se kjo gjë mund të parandalohet.

Më tej ai theksoi se nëse standardet janë të sakta dhe ka një protokoll të qartë shanset janë shumë të vogla që në një proces të abuzohet.

“Çdo proces rrezikon devijimin, çdo proces mund të abuzohet nga dikush. I vetmi instrument që kemi ne në dorë për të minimizuar devijimet është një protokoll shumë i qartë se çfarë do të ndodhë . Nëse ne do të kishim pasur protokolle të qarta pas tërmetit do të kishte devijime më të vogla se ato që kanë ndodhur. Dhe një pushtetar vendor mund të devijoj. Ajo që nuk të lë të devijosh janë standardet shumë të sakta. Nëse ti krijon një protokoll se si do të funksionojë auditi dhe të gjitha pikat e protokollit do të jenë të përshkruara me detaje, zvogëlohet mundësia që të abuzohet me fondet”- theksoi ai.

LEXONI GJITHASHTU: 

• Nga kryeministria te Opera, Shkreli tregon objektet që do të kalojnë në auditim
• “Njerëzit digjeshin”- Rrëfimi i ndjerë i 19-vjeçares: Si arrita të dilja nga treni