Goditja e ekonomisë nga pandemia, deficiti pritet të arrijë deri 1.3 miliardë euro, borxhi publik rritet në 80% të PBB-së

Pandemia COVID-19 ka goditur rëndë ekonominë shqiptare, duke detyruar Ministrinë e Financave të ndryshojë për herë të tretë rrënjësisht buxhetin e 2020-s.

Teksa të ardhurat vijojnë të pësojnë rënie, respektivisht me 14 mld lekë, shpenzimet planifikohet të shtohen me 240 milionë euro, në raport me parashikimin e vitit të mëparshëm.

Peshën më të madhe në këtë rritje të shpenzimeve e merr fondi rezervë i buxhetit për përballimin e pasojave të pandemisë së COVID-19, por përveç saj janë rritur me 50 milionë euro edhe fondet për investime publike.

Goditjen më të madhe në tkurrjen e të ardhurave në buxhet do ta marrë tatimi mbi vlerën e shtuar me minus 17 milion euro, i ndjekur nga tatimi mbi fitimin, i cili do të sjellë 6.5 milionë euro më pak në buxhetin e këtij viti.

Deficiti buxhetor pritet të arrijë në shifrën e 132 miliardë lekë ndërsa borxhi publik ka arritur në 80% të Prodhimit të Brendshëm Bruto.