Grabitën xhiron ditore të një biznesi në Durrës, prangosen dy persona

Dy persona janë arrestuar nga policia në Durrës në kuadër të operacionit policor të koduar “Step by step”.

Shtetasit O. M., 34 vjeç dhe E. Sh., 35 vjeç u vunë në pranga pasi forcat e policisë zbardhjen ngjarjen e ndodhur mbrëmjen e 6 janarit, ku të dy, nën kërcënimin e armës së zjarrit kallashnikov që mbahej nga shtetasi E. Sh., kanë marrë rreth 15.000 lekë të rinj (xhiro ditore), mbrëmjen e datës 06.01.2023, në dyqanin e shtetases M. D., në lagjen nr. 15, Durrës.

Në cilësinë e provës materiale janë sekuestruar automjeti dhe veshjet që përdorën këta shtetas, gjatë kryerjes së vjedhjes, si dhe 3 aparate celularë.

Ndërkohë, policia ka zbardhur edhe 2 vjedhje të tjera të ndodhura më parë, të kryera nga këta 2 shtetas, konkretisht:

– Më datë 19.11.2022, në Arapaj, Durrës, këta shtetas dyshohet se kanë vjedhur në dyqanin e shtetases E. S. një shumë parash;

– Më datë  27.12.2022, në lagjen nr. 6, në Durrës, dyshohet se kanë vjedhur sende me vlerë në banesën e shtetasit B. H.

34-vjeçari ka qenë i dënuar më parë për veprimtari kriminale në fushën e narkotikëve, ndërsa 35-vjeçari për vjedhje.

LEXONI GJITHASHTU

• Me 70 kg kanabis në automjet, arrestohet në Morinë 48-vjeçari rumun
• Hodhi në lumin Kir foshnjën e saj, arrestohet 32-vjeçarja
• Vodhën para dhe sende me vlerë, nënë e bir të arrestuar për 120 mijë euro dëm