Grabitet banka në Prishtinë, autorët qëllojnë rojën dhe shpërthejnë bankomatin

Në orët e para të mëngjesit në Prishtinë është thyer e plaçkitur një banke e nivelit të dytë. Grabitësit kanë arritur të shpërthejnë me tritol bankomatin, nga ku kanë marrë një shumë parash.

Banorët në këtë pjesë kanë thënë se janë tronditur nga shpërthimi pasi është dëgjuar në banesat e tyre.

Zëdhënësja e Policisë për rajonin e Prishtinës, Flora Ahmeti konfirmoi se në këtë ngjarje ka pasur edhe të shtëna me armë zjarri, konkretisht nga grabitësit në drejtim të rojës.

Megjithatë, policia njofton se nuk ka të plagosur. Ajo deklaroi se policia po bën ekzaminimin në vendngjarje, dhe është duke punuar në identifikimin dhe arrestimin e personave të dyshuar.