Grabitet me armë pika e karburantit në Lushnje, kapet pas disa orësh autori

Një 31-vjeçar është arrestuar në Lushnje, pasi nën kërcënimin e armës ka grabitur një karburant, duke marrë një shumë parash.
Policia bën me dije se në kuadër të operacionit “Hoë it ends”, në pranga ka rënë shtetasi F. B., 31 vjeç.

Nga hetimet ka rezultuar se shtetasi F. B., në orët e para të mëngjesit të sotëm, ka hyrë i maskuar në një karburant dhe duke kanosur me armë gjahu, ka marrë një shumë parash (një pjesë të xhiros ditore).

Në cilësinë e provës materiale janë sekuestruar arma e gjahut që ka përdorur autori për të kryer vjedhjen, automjeti që kishte marrë me qira, veshjet që ka mbajtur gjatë vjedhjes, një sasi lënde e dyshuar narkotike heroinë dhe një peshore elektronike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme, për veprat penale “Vjedhja me armë”, “Prodhimi dhe mbajtja pa leje e armëve të gjuetisë dhe sportive” dhe “Prodhimi dhe shitja e narkotikëve.

LEXONI GJITHASHTU:

• Disa fëmijë palestinezë me kancer dërgohen në Egjipt për trajtim
• Rama në Asamblenë e PS: Shqipëria në nivel të ri. Në 2024 arrijmë 20 milionë turistë