Grabitet pika e këmbimit valutor në Tiranë

Një pikë e këmbimit valutor është grabitur të premten në Tiranë.

Ngjarja ka ndodhur në orët e para të mëngjesit, në zonën e Institutit ku mësohet se persona ende të paidentifikuar, kanë hyrë në Exchange dhe kanë arritur të marrin një shumë parash.

Autorët dyshohet se kanë qenë 3 persona të maskuar të cilët pas grabitjes janë larguar nga vendi i ngjarjes.

Përmes një njoftimi zyrtar policia bën me dije se shtetas ende të paidentifikuar kanë dëmtuar murin e një subjekti për këmbimin valutor, në pronësi të shtetasit F. Gj., 59 vjeç, kanë marrë 30 000 lekë të rinj.

LEXONI GJITHASHTU:

• Grabitet taksisti në Tiranë, klienti e qëllon me thikë dhe i merr paratë
• Grabitet gjatë natës një market në Fier, autori theu xhamin