Grabitja e bankës në Koplik, gjykata lë në qeli 3 të arrestuarit

Gjykata e Shkallës së Parë në Shkodër vendosi masën “arrest me burg” për Bekim Gurrën, Admir Shabën dhe Armir Shabën, të dyshuar për grabitjen e bankës në Koplik.

Armir Shaba dhe Admir Shaba kanë mohuar akuzat, ndaj tyre ndërsa Bekim Gurra nuk ka folur gjatë në seancë, por është përfaqësuar nga avokati i tij Ndue Pjetra.

Më 9 maj persona të maskuar dhe të armatosur grabitën një bankë të nivelit të dytë në Koplik.

Në pamjet e siguruara nga Euronews Albania, grabitësit u shfaqën të armatosurit, të veshur në të zeza e me maskë të bardhë, të cilët kërcënojnë punonjësin e bankës për të kryer grabitjen.

Hetimet deri tani tregojnë se autorët i kanë hedhur në ujë armët e zjarrit në vendin e quajtur “Syri i Sheganit”, degëzim i liqenit të Shkodrës.

• VIDEO | Të armatosur dhe me maska, momente nga grabitja e bankës në Koplik
• Grabitet me armë banka në Koplik