Greqia legalizon martesat e të njëjtit seks, besimtarët mblidhen para Parlamentit

Pas një debati të fortë në parlamentin grek është miratuar projektligji që do të legalizojë martesat e të njëjtit seks, si dhe birësimin e fëmijëve nga çiftet e të njëjtit seks.

176 deputetë votuan pro, 76 kundër, dy abstenuan, ndërsa 46 nuk morën pjesë në votim.

Greqia është vendi i parë me shumicë ortodokse që legalizon martesat e të njëjtit seks dhe kjo paraqet një arritje duke marrë parasysh rezistencën dhe ndikimin e kishës, raporton Euronews.

“Ne jemi këtu për të përballuar me përgjegjësi pabarazinë sociale”, tha kryeministri grek Kyriakos Mitsotakis në fillim të fjalimit të tij në parlament dhe vazhdoi të argumentojë në favor të ligjit për martesën dhe birësimin e të njëjtit seks.

Ai vuri në dukje se reforma do të përmirësojë jetën e njerëzve, ndërsa të tjerëve nuk do t’u privohet asgjë.

“Prindërit në marrëdhënie të të njëjtit seks ende nuk kanë të njëjtat të drejta kur bëhet fjalë për fëmijët”, tha ai dhe vazhdoi:

“Ne duam ta parandalojmë këtë hendek duke lejuar të gjithë ata që duan të vulosin institucionalisht marrëdhënien e tyre me një ceremoni bashkie, ashtu siç bëjnë çiftet heteroseksuale, ta bëjnë këtë. Me integrimin e barabartë të çdo qytetari në shoqëri, forca e demokracisë sonë është e matur”, tha Mitsotakis dhe kujtoi se çiftet e të njëjtit seks kanë të drejtë të martohen në 36 vende të Evropës dhe botës.

Projektligji i ri synon të eliminojë diskriminimin ekzistues në bazë të gjinisë dhe orientimit seksual. Megjithatë, vetë ligji nuk ishte objekt i polemikave disajavore në Greqi, por fakti që çiftet e të njëjtit seks do të mund të birësojnë fëmijë, por jo t’i nënshtrohen metodave të riprodhimit të asistuar.

LEXONI GJITHASHTU:

• Mitsotakis vizitë në Beograd, Vuçiç: Greqia e Serbia, marrëdhënie vëllazërore
• Mitsotakis vizitë në Beograd, Vuçiç: Greqia e Serbia, marrëdhënie vëllazërore