Greqia mund ta regjistrojë fundjavën më të nxehtë në 50 vjetët e fundit

Greqia pritet të përballet me fundjavën më të nxehtë të korrikut në 50 vjetët e fundit, ka paralajmëruar një meteorolog të premten, duke përmendur se valë të të nxehtit do të ketë edhe javën e ardhshme.

Ministrat qeveritarë i kanë këshilluar njerëzit që të punojnë prej shtëpive, nëse kanë mundësi, dhe të mos dalin nëpër rrugë, nëse nuk kanë nevojë.

Temperaturat tejet të larta nënkuptojnë se qendrat kryesore turistike do të jenë të mbyllura në periudhën më të nxehtë.

“Kjo fundjavë rrezikon të jetë më e nxehta e regjistruar në korrik në 50 vjetët e fundit”, ka thënë Panagiotis Giannopoulos, meteorolog i transmetuesit shtetëror ERT.

“Athina do të regjistrojë temperaturë mbi 40 gradë Celsius për gjashtë deri në shtatë ditë, deri në fund të korrikut”, ka thënë Giannopoulos.

LEXONI GJITHASHTU:

• Qëndroi me orë të tëra në diell/Punëtori humb jetën, arrestohet pronari në Greqi
• Greqia vazhdon përpjekjet për të pestën ditë për të shuar zjarret