Guvernatori i Kalifornisë padit Trump për nxjerrjen e Gardës Kombëtare në rrugë
Guvernatori i Kalifornisë, Gavin Newsom, tha sot se do të padisë administratën e Presidentit të SHBA-së, Donald Trump, për vendosjen e Gardës Kombëtare për të shuar protestat në Los Angeles kundër bastisjeve nga shërbimet federale të imigracionit, pa miratimin e shtetit, sipas mediave amerikane.
Guvernatori i tha MSNBC se padia që do të ngrejë nesër do të sfidojë vendimin e Trump për të përdorur Gardën Kombëtare të Kalifornisë pa miratimin e shtetit, gjë që deri më tani është parë rrallë në historinë e SHBA-së.
“Donald Trump krijoi kushtet që shihni në ekranet tuaja televizive. Ai i përkeqësoi kushtet dhe ndezi një shkrepëse. Ai po i hedh benzinë zjarrit që kur njoftoi se do të marrë përsipër Gardën Kombëtare të Kalifornisë, gjë që është një akt i paligjshëm, imoral dhe jokushtetues”, tha Newsom.
Ai saktësoi se në urdhrin ekzekutiv të Trump, sipas të cilit veproi Ministria e Mbrojtjes, thuhej konkretisht se ata duhej ta koordinonin veprimin me guvernatorin e shtetit, dhe ata nuk e bënë këtë.
Newsom kujtoi se ai kishte vendosur Gardën Kombëtare të Kalifornisë disa herë në situata të mëparshme emergjente.
“Nuk kemi problem të bashkëpunojmë në një sistem të përbashkët me forcat lokale të rendit. Megjithatë, ekziston një protokoll, është një proces”, theksoi guvernatori, duke shtuar se Trump nuk interesohej për këtë dhe po gënjente.
Newsom kujtoi se Trump shkroi në një postim në rrjetin e tij social Trut të dielën se Garda Kombëtare bëri një punë të shkëlqyer dhe, siç theksoi ai, forcat shtetërore as nuk ishin vendosur në atë kohë.
LEXONI GJITHASHTU:
BE miraton paketën e 21-të të sanksioneve ndaj Rusisë, goditen bankat, nafta dhe “flota në hije”
Britania dënon sulmet Huthi ndaj cisternave saudite
Gomarët që po parandalojnë përhapjen e zjarreve masive në Spanjë sfidojnë përpjekjet e teknologjive të larta
- 21:13 BE miraton paketën e 21-të të sanksioneve ndaj Rusisë, goditen bankat, nafta dhe “flota në hije”
- 19:59 Britania dënon sulmet Huthi ndaj cisternave saudite
- 19:46 Gomarët që po parandalojnë përhapjen e zjarreve masive në Spanjë sfidojnë përpjekjet e teknologjive të larta
- 19:13 Kina do të rrisë prodhimin e energjisë nga era dhe dielli me më shumë se 50% në pesë vjet
- 19:07 Senati amerikan shton Iranin në projektligjin për sanksionet
- 19:04 Republika Sërpska lobon me miliona në SHBA për pavarësinë e saj