Haki Abazi: Kushtet tona për të pranuar formimin e Asosacionit

Kryetari i Komisionit për Punë të Jashtme në Kosovë, Haki Abazi tregoi dy kushtet që ka qeveria për formimin e Asosacionit të komunave me shumicë serbe.

Në emisionin “Balkan Talks” në Euronews Albania, Abazi u shpreh se Asosacioni duhet të jetë brenda rregullave të Kushtetutës së Kosovës dhe në kornizën e një marrëveshjeje finale.

“E para, duhet të jenë brenda Kushtetutës së Kosovës dhe e dyta, duhet të jetë brenda një marrëveshjeje finale. Taktikat e Serbisë kanë qenë që çdo herë të fitojë një gjë dhe pastaj të kthehet dhe të krijojë arsye të pafundme, që të ndërpresë dialogut, të bëjë zgjedhje në Serbi dhe të rikthehen në tavolinë me një kërkesë tjetër, e cila do të jetë edhe më e rëndë dhe më e çuditshme se kjo tjetra”, theksoi ai.