Hamas publikon videon e pengjeve, Netanyahu: Asgjë s’na ndal, do i kthejmë në shtëpi

Pasi 100 ditët e luftës mes Izraelit dhe Hamasit u kujtuan nga të dyja palët, militantët publikuan pamje filmike që tregonin tre pengje izraelite. Videoja mbyllej me paralajmërimin “Nesër do t’ju informojmë se cili do të jetë fati i tyre”.

Zyrtarët izraelitë zakonisht refuzojnë t’i përgjigjen mesazheve të Hamasit mbi pengjet, duke i cilësuar ato si luftë psikologjike. Vetëm pak orë më parë, kryeministri Netanyahu u zotua se askush nuk do ta ndalë Izraelin në luftën e tij.

“Ne nuk do të braktisim askënd. Ne po bëjmë gjithçka që t’i kthejmë të gjithë në shtëpi. të gjithë, pa asnjë përjashtim. Përpjekjet tona vazhdojnë edhe në këto momente”, tha Benjamin Netanyahu, kryeministër i Izraelit.

Ndërkohë, në një fjalim televiziv, kreu i lëvizjes libaneze Hezbollah, Hasan Nasrallah deklaroi se lufta e Izraelit në Gaza ishte një dështim dhe shteti hebre do të detyrohet të negociojë.

Izraeli ka shkëmbyer zjarr çdo ditë me aleatin e Hamas, Hezbollah, por tensionet janë rritur pasi një nga sulmet ajrore izraelite vrau një komandant të lartë të milicisë libaneze një javë më parë.

Për të parë videon klikoni KËTU:

LEXONI GJITHASHTU:

• 100 ditë pas fillimit të luftës Izrael-Hamas, shqetësime për zgjerimin e konfliktit
• Hezbollahu me sulme hakmarrëse ndaj Izraelit pas vrasjes së numri dy të Hamasit