Hamas refuzon armëpushimin, OKB: Mbi gjysmë milion banorë në Gaza rrezikojnë vdekjen

Nuk do të ketë bisedime të tjera për lirimin e pengjeve derisa Izraeli të ndalë sulmet në Gaza. Kështu kanë deklaruar përfaqësuesit e lëvizjes së Hamasit, të cilët refuzuan një sugjerim të shtetit hebre për një armëpushim 7-ditor. Nga ana e tij Hamasi kërkon armëpushim total.

Ndërkohë, Këshilli i Sigurimit shtyu sërish votimin për rezolutën e armëpushimit, edhe pse këtë herë Amerika deklaroi se mund ta mbështesë.

 “Nuk do të them se si do të votoj, por do të jetë një rezolutë, që nëse parashtrohet ashtu siç është, ne mund ta mbështesim”,- Linda Thomas Greenfield, ambasadore e SHBA në OKB.

Ndërkohë, një raport i hartuar nga agjenci të ndryshme të OKB-së thotë se rreth gjysmë milion persona rrezikojnë të vdesin nga uria në Gaza.

Sipas të dhënave të dokumentit, vështirësia në gjetjen e ushqimit nga popullsia në Gaza ka kaluar atë të viteve të fundit në Afganistan dhe Jemen.

Raporti paralajmëron se rreziku i vdekjeve nga uria po rritet çdo ditë, duke e lidhur atë me ndihmat e pamjaftueshme që hyjnë në Gaza.

Konkretisht, 576 mijë e 600 persona ndodhen në nivele “katastrofike”, thotë raporti.

LEXONI GJITHASHTU:

• Lufta në Gaza/ Vritet nga raketa gazetari i Al Jazeera, një tjetër i plagosur
• OKB: Izraeli po përpiqet të pastrojë palestinezët nga Gaza