Hamasi tenton të ndalojë evakuimet, përdor civilët si “mburoja”

Hamasi po përpiqet të ndalojë civilët palestinezë që të evakuojnë pjesët veriore të Gazës, duke i kthyer ato në “mburoja njerëzore”, tha të shtunën zëdhënësi i Forcave të Mbrojtjes të Izraelit, nënkoloneli Jonathan Conricus.

IDF udhëzoi të premten civilët në qytet dhe rreth Gazës, më shumë se 1 milion njerëz, të lëviznin në zonat jugore të Gazës.

Conricus tha se ishte “shqetësuese” që Hamasi “ka ndalur” dhe “u përpoq të ndalonte civilët palestinezë që të evakuonin” Gazën veriore duke përdorur pika të rrepta kontrolli dhe ndalesa në terren, sipas raporteve të mediave ndërkombëtare.

I pyetur në CNN nëse evakuimi sugjeroi se Izraeli po hapte rrugën për një inkursion tokësor – dhe sa kohë do të priste IDF për këtë – Conricus u përgjigj se IDF do të “vlerësonte situatën në terren”.

Ai tha se civilët duhet të largohen nga zona për sigurinë e tyre “dhe të kthehen vetëm kur t’u themi atyre se është e sigurt për ta bërë këtë”.

IDF kishte parë “lëvizje të konsiderueshme të civilëve palestinezë drejt jugut”, shtoi Conricus, duke thënë se banorët e Gazës “po bënin gjënë e zgjuar, duke u larguar nga një zonë e rrezikshme”.

LEXONI GJITHASHTU:

• Video: Ashkelon në flakë, gazetari i Euronews raporton live bombardimet e Hamasit
• “Mund të acarohet bota arabe”- Hoxha: Hamasi mund të kërkojë ndihmë për vullnetarë