English

Hapet dhoma sekrete e Mikelanxhelos

KOMENTE

SHPERNDAJE
ARTIKULLIN

Text sizeAa Aa

Një dhomë jo më e madhe se 30 metra katrorë, muret e të cilës janë të shënjuara me skica prej karboni që janë vizatuar gati 500 vite më parë.

- Advertisement -

Këto mure janë muret e dhomës sekrete të legjendarit Mikelanxhelo.

Për shekuj me radhë kjo dhomë ka qenë vetëm një depo e kompleksit të bazilikës së Shën Lorencit në Firence. Me pas, në vitin 1975, nën dy shtresa suvaje, dolën në pah këto vizatime.

Për rreth dy muaj mjeshtri I famshëm dhe protagonist i Rilindjes italiane të shekullit të 15-të është fshehur në këtë dhomë për t’i shpëtuar përndjekjes dhe hakmarrjes së Papës, pas mbështetjes së tij ndaj Republikës së Firences kundër Medicit dhe kundër papatit.

Këtu në këtë dhomë, ai la shenjat e tij.

“Është një zbulim i jashtëzakonshëm. Duket sikur nuk ka kaluar koha kurrë që nga ajo epokë. Me këto vizatime mund të shohësh sesi shpiket një vepër arti, zanafilla e saj. Është e mrekullueshme!” thotë Francesca De Luca, kuratore e muzeut “Cappelle Medicee”.

Disa prej këtyre vizatimeve mund të mos jenë të Mikelanxhelos, por të nxënësve të tij ose dhe të artistëve të tjerë. Megjithatë, disa prej tyre janë gjurmë e pakundërshtueshme dhe të pashmangshme të gjeniut rilindës.

Studimi i trupit, fytyrës, gjurmët e zeza të pishtarëve të ndriçimit, kompozimet e ndërlikuara të trupave, të thurur, të mbivendosur mbi këto mure, janë pasqyra e një artisti, i cili nuk reshte kurrë së studiuari, së kërkuari, përmes vizatimeve të tij.

“Disa ngjasojnë me pikturat e Kapelës së Sistinës. Në një mënyrë kujtojnë pak krijimin e veprës, Zotin atë që fluturon në ajër. Edhe pse jo identik, e kujton shumë”, shprehet  kuratorja.

Më në fund, dhoma e fshehtë e Mikelanxhelos hapet për publikun!

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?