Harris u bën thirrje amerikanëve “të dalin dhe të votojnë”

Ndërkohë që kanë mbetur vetëm edhe disa orë deri në mbylljen e vendvotimeve, kandidatja demokrate për presidente të SHBA-së, Kamala Harris, u bëri thirrje amerikanëve që “të dalin dhe të votojnë”.

“Duhet ta bëjmë atë. Sot është dita e votimit dhe njerëzit duhet të dalin dhe të jenë aktivë”, tha ajo për radio-stacionin WVEE-FM të Atlantës.

Nënpresidentja aktuale njoftoi të dielën se ka votuar, duke dërguar fletëvotimin me postë në shtetin e saj të Kalifornisë.

“Unë sapo e kam dërguar fletën time të votimit me postë”, u tha gazetarëve Harris, teksa bënte fushatë në shtetin e Miçiganit.

Nëse fiton, Harris do të bëhej presidentja e parë grua e SHBA-së.

LEXONI GJITHASHTU:

• Beqa zbulon “kleçkën” që mund ti japë Trumpit fitoren
• Kapitol Hill i rrethuar me tela, Samarxhiu: Qytetarët kanë frikë se ç’do ndodhë…