Kapitol Hill i rrethuar me tela, Samarxhiu: Qytetarët kanë frikë se ç’do ndodhë…

Ndërsa amerikanët presin rezultatet e zgjedhjeve, Uashingtoni është në gatishmëri të lartë për dhunë të mundshme nga mbështetësit e Donald Trump, nga frika e një përsëritjeje të trazirave të Kapitolit në vitin 2021.

Gazetari Thimi Samarxhiu i cili po ndjek nga afër procesin e votimit në SHBA tha në një lidhje direkte për “Noë me Erla Mëhillin” në Euronews Albania se nga frika e përsëritjes së ngjarjes së 2021 edhe disa biznese private kanë shtuar masat e sigurisë veç shtëpisë së Bardhë dhe Capitol .

“Duke parë çfarë ndodhi, për sa kohë ka ndodhur një herë, asgjë nuk e pengon të përsëritet për herë të dytë. Shanset që të përsëritet një skenë tensionesh është e mundur, ndaj janë marr masat edhe në shtëpinë e bardhë edhe në Capitol Hill”,-tha gazetari Samarxhiu.