Harta e re gjyqësore kosto për qytetarët e Korçës. Shella: Zvarrit në kohë proceset 

Me implementimin e hartës së re gjyqësore, Gjykata e Apelit të Korçës u shkri në gjykatat e rretheve të tjera e dosjet u transferuan drejt Tiranës.

Kur gjykata mbrapa meje ishte funksionale, një qytetari korçar i duheshin afro 500 ditë që çështja e tij të niste shqyrtimin ndërkohë që tanimë i duhen plot 2555 ditë, e thënë ndryshe, 7 vite “Kështu është shprehur nga Korça Gerti Shella, ekspert ligjor. Sipas tij, harta e re gjyqësore nuk ka sjellë lehtësim të shqyrtimit të çështjeve në Gjykatën e Apelit por përkundrazi, ka rritur kohën e mbylljes së një çështje

“Situata që paraqitet sa i takon drejtësi është përkeqësuar shumë nga 2016, kur nis me reformën. Në 2016 një çështje themeli zgjidhej për 147 ditë, para se të shkrihej e merrte për 533 ditë. Në 6 mujorin e parë kur qytetarët korçare marrin drejtësi ne një gjykatë të vetme në Tiranë kohëzgjatja e vlerësuar për shqyrtimin është 7 vite. Ka qenë më mirë para fillimit të reformës së re gjyqësore e ka eënë më mirë kur gjykata e Korçës ishte më keq dhe erdhi në shkrirjen e saj”, thotë Shella.

Nga ana tjetër eksperti ligjor ka bërë me dije se vonesat në shqyrtimin e çështjeve në gjykatën e apelit sjellin vonesa në disa hallka të sistemit, si zyrat noteriale dhe kadastrale

“Vëmë re me keqardhje që sistemi agregate si shërbimi noterial, shërbim i rëndësishëm që e bën efektiv vendimin gjyqësor po shkakton vonesa tej të arsyeshmes duke krijuar pamundësi palëve për të bërë të mundur çelje të trashëgimisë, me kadastrën etj. Situata e vonesave po kthehet sistemike e ne duhet të bëjmë çmos që ky tumor po përhapet, thjesht pengon aksesin në shërbimet e drejtësisë, të mund të përmbahet e kufizohet pa humbur kohë”, shprehet ai.

Me mbylljen e gjykatës së apelit në Korçë kanë shkuar drejt asaj të Tiranës me shume se 3200 dosje të pa shqyrtuara

LEXONI GJITHASHTU:

• Aksident në aksin Korçë-Maliq/ Benzi përplaset me furgonin e mallrave
• Drogat e forta në Korçë, rritet numri i përdoruesve të heroinës e kokainës