Hegseth: Çdo material bërthamor që Irani nuk duhet ta ketë do të hiqet sipas kushteve të armëpushimit

Sekretari i Mbrojtjes Pete Hegseth tha gjatë një konference në Pentagon këtë mëngjes se çdo material bërthamor që Irani “nuk duhet ta ketë” do të hiqet sipas kushteve të armëpushimit të shpallur mëngjesin e kësaj të mërkure, megjithëse Irani nuk e ka përmendur këtë term në komunikimet e veta zyrtare.

“Sipas kushteve, çdo material bërthamor që ata nuk duhet ta kenë, do të hiqet. Presidenti ka qenë i qartë që nga fillimi, nuk do të ketë armë bërthamore iraniane. Pikë, pikë. Presidentë të tjerë e thanë. Presidenti Trump e bëri”, shtoi ai.

Presidenti Donald Trump tha në një postim në Truth Social këtë mëngjes se SHBA do të punojë me Iranin për të ‘gërmuar dhe hequr’ rezervat e uraniumit të tij që u synuan gjatë goditjeve ajrore amerikane.