Hegseth: Kam vizituar trupat në Lindjen e Mesme, ditët e ardhshme do të jenë vendimtare për luftën

Sekretari i Mbrojtjes i SHBA-së, Pete Hegseth në një konferencë për shtyp të marten ka deklaruar se ditët e ardhshme në konfliktin e Lindjes së Mesme do të jenë vendimtare.

“Ne kemi gjithnjë e më shumë mundësi, dhe ata kanë më pak… vetëm në një muaj ne përcaktojmë kushtet, ditët në vijim do të jenë vendimtare. Irani e di këtë, dhe nuk ka pothuajse asgjë që mund të bëjë ushtarakisht për këtë”, tha Hegseth.

Ai duke cituar të dhëna nga inteligjenca, tha se sulmet po dëmtonin moralin e ushtrisë iraniane. Sipas tij kjo po shkaktonte dezertime të përhapura, mungesa të personelit kyç dhe po shkaktonte frustrim midis udhëheqësve të lartë.

Hegseth tha gjithashtu se kishte vizituar trupat në Lindjen e Mesme të shtunën për të qenë dëshmitar i operacionit ushtarak kundër Iranit.