Hidhet shorti për anëtarët e rinj të KED, lista e fituesve

Në Institucionin e Presidentit të Republikës u hodh sot shorti për zgjedhjen e anëtarëve të rinj të Këshillit të Emërimeve në Drejtësi, që do të funksionojë përgjatë vitit 2024. Shorti përcaktoi 9 anëtarët e përhershëm dhe 6 zëvendësues të Këshillit të Emërimeve në Drejtësi.

Hedhja e shortit u ndoq nga Avokati i Popullit, në cilësinë e monitoruesit.

Gjatë hedhjes së shortit, ishin të ftuar përfaqësues nga Kuvendi i Shqipërisë, nga misionet që mbulojnë çështjet e drejtësisë; OPDAT-i dhe Delegacioni Europian në Tiranë.

Gjithashtu, ishin të pranishëm edhe përfaqësues të Gjykatës Kushtetuese, Këshillit të Lartë Gjyqësor dhe Këshillit të Lartë të Prokurorisë.

Anëtarë të KED 2024

Elsa Toska

Sonila Bejtja

Sokol Ngresi

Alma Muca

Irena Brahimi

Altina Nasufi

Lazer Çardaku

Genti Xholi

Ramiz Lala

Anëtarë zëvendësues të KED

Marjana Semini

Darjel Sina

Arqilea Koça

Ilrijana Olldashi

Irma Balli

Besart Kaçkini