Hodhi fishekzjarre, banori i Kievit rrezikon dënimin me 5 vite burg

Hedhja e fishekzjarreve natën e ndërrimit të viteve mund t’i kushtojë një banori të Kievit deri në 5 vite burg. 47-vjeçari përdori mjetet piroteknike, pavarësisht një urdhëri të përgjithshëm që ndalon hedhjen e fishekzjarrëve gjatë gjendjes së jashtëzakonshme në Ukrainë për shkak të luftës.

Policia ka publikuar pamjet e arrestimit dhe e akuzon autorin për “huliganizëm”.

Fishekzjarret janë të ndaluara në Ukrainë që prej vitit 2014-të, kur Rusia pushtoi Krimenë dhe ato mund të përdoren vetëm për nevoja të policisë dhe ushtrisë.

Ndërkohë, me nisjen e vitit të ri, Rusia ka rinisur bombardimet me dronë kamikazë ndaj territoreve ukrainase, përfshirë rajonit e Kievit. Dronët janë prodhuar nga Irani, ndërkohë që autoritetet ukrainase thonë se kanë arritur t’i rrëzojnë ato. Sirena alarmi janë dëgjuar këto dy ditë në të gjithë Ukrainën.

LEXONI GJITHASHTU:

• Zelensky dhe Putin premtojnë fitore në fjalimet e tyre për Vitin e Ri
• Zelensky: Kemi liruar më shumë se 1450 të burgosur lufte
• Zelensky: Rusia planifikon të na “rrëzojë” me sulme zgjatura me dronë