Holanda fushatë për kancerin e qafës së mitrës, teste falas për të gjitha gratë 

Të gjitha gratë në Holandë që kanë mbushur moshën 30 vjeç do të marrin komplete vetë-testimi për kancerin e qafës së mitrës, njoftoi sot Instituti i vendit për Shëndetin Publik (RIVM).

Ky vendim është pjesë e programit kombëtar të monitorimit të kancerit të qafës së mitrës dhe do të zbatohet këtë javë, raporton NL Times.

Testi mund të zbulojë praninë e papilomavirusit njerëzor, ose HPV, një virus që mund të shkaktojë këtë lloj kanceri, dhe nëse virusi gjendet, gruaja e testuar do të ftohet të vizitojë mjekun e saj të përgjithshëm për një PapTest.

Sëmundja është më e zakonshme tek gratë e moshës 30 deri në 60 vjeç, dhe në baza vjetore, rreth 900 gra në Holandë sëmuren nga kanceri i qafës së mitrës. 200 prej tyre vdesin nga kjo sëmundje.

LEXONI GJITHASHTU:

• OBSH do të shpallë kancerogjen ëmbëlsuesin artificial që përdoret në pije freskuese
• Gazetari: Si po përdoret Chat GPT për t’i gjetur zgjidhjen kancerit në bazë të ADN