Horner mund të largohet nga Red Bull, pas 18 viteve rrezikon të dalë nga Fomula 1

I vënë nën hetim për sjellje të padenjë dhe mungesë etike, Christian Horner këshillohet të japë dorëheqjen nga drejtimi i skuadrës Red Bull.

Pas lajmit për kalimin e Hamilton nga Mercedes te Ferrari, ky është një tjetër tërmet në botërorin e F1. Vetë skuderia u duk sikur e zgjidhi konfliktin mes këshilltarit Helmut Marko dhe drejtuesit Christian Horner.

Por kanë mjaftuar akuzat e një punonjëseje për të trazuar sërish ambientin e kampionëve në fuqi të cilët po i jepnin dorën e fundit, përgatitjeve për prezantimin e makinës së këtij sezoni. Horner përgënjeshtron çdo akuzë duke mos dashur të flasë më shumë për këtë çështje.

Ndërsa Red Bull ka filluar një hetim të pavarur të cilin do ta përfundojë një jurist i specializuar në këto çështje. Gjithçka sa më shpejt të jetë e mundur në mënyrë që të mos ndikim në sezonin e ri.

LEXONI GJITHASHTU:

• Max Verstappen është kampion i Formula 1 për të tretën herë radhazi 
• Rama: Motoparku do të ndërtohet nga kompania e ish-pilotit të famshëm të Formula 1