Hungaria refuzon NATO-n: Ukraina të zgjidhet me dialog

Ministri i Jashtëm hungarez Peter Szijarto deklaroi se nuk do të pranojnë më trupa shtesë nga NATO. Sipas tij çështja e Ukrainës duhet zgjidhur me dialog dhe jo me sanksione.

Crisi #ucraina, ministro degli Esteri ungherese: “Privilegiare la #diplomazia“. Intervista a Euronews del ministero degli Esteri Peter #Szijjártó: “Per paesi come il nostro, lo scontro sarebbe un disastro. Cautela sulle sanzioni, sostanzialmente inutili” https://t.co/UViIeYOWS5

— Daniele Cunego (@cunego_daniele) February 10, 2022

Edhe kryeministri Viktor Orban deklaroi pas vizitës së Moskë se nuk shihte te Rusia synimin për të pushtuar Ukrainën dhe se duhej diplomaci për të zgjidhur mosmarrëveshjet.

Szijarto këmbnguli në po të njëjtën gjë.

“Duhet të japim maksimumin për të shmangur skenarin më të keq. Duhet të investojmë tek diplomacia dhe dialogu. Prandaj ne i bëjmë thirrje Rusisë, aleatëve perëndimorë dhe vendeve të forta që të mos heqin dorë nga zgjidhja paqësore. Për ne vendet e vogla sulmet e dhunshme mund të jenë shumë të rrezikshme. Ndaj le ta shmangim skenarin më të keq me çdo mjet,” – tha ministri hungarez për Euronews.

Shumë vende të Evropës lindore si Polonia dhe Rumania, por edhe baltike si Estonia kanë lejuar një fluks të trupave të NATO-s në territorin e tyre. Por Budapesti e refuzon këtë opsion.

“Jo, ne nuk e kemi pranuar këtë dhe nuk do ta pranojmë sepse kemi trupa të NATO-s në territorin tonë, që janë forcat e armatosura hungareze. Ato janë në gjendje të garantojnë sigurinë e vendit. Ndaj nuk na duhen trupa shtesë,” – u shpreh Szijarto.

LEXONI GJITHASHTU:

• Kriza Rusi-Ukrainë në momentin më të rrezikshëm, thotë Johnson
• Shanse për kompromis në krizën Rusi-Ukrainë, thotë Macron