I dërguari i Palestinës në OKB thirrje Këshillit të Sigurimit: Jepini fund heshtjes

Riyad Mansour ka mbajtur një fjalim para organit më të lartë të Kombeve të Bashkuara, duke thënë se të gjithë anëtarët e pranishëm janë dëshmitarë të gjenocidit të kryer nga Izraeli në Gaza, pavarësisht nëse janë të gatshëm ta njohin atë.

“Ajo që po ndodh tani në Gazën veriore është një nivel tjetër monstruoziteti”, tha Mansour, duke u fokusuar në goditjet e vazhdueshme të pamëshirshme të Izraelit në Rripin verior të Gazës.

“Heshtja dhe mosveprimi nuk janë opsion. A jeni gati të shpallni se ndërsa palestinezët refuzojnë të dorëzohen edhe kur përballen me dënimin kolektiv me vdekje, ky këshill vendosi të dorëzohet?

“Ne e dimë se shumë anëtarë rreth kësaj tryeze refuzojnë ta bëjnë këtë, dhe ne u bëjmë thirrje sot që të luftojnë kundër, me mjetet e parashikuara nga statuti i [OKB-së] dhe nga ligji, për të luftuar ata që po fshijnë statutin dhe ligjin. . Kjo është përgjegjësi e këshillit dhe e çdo shteti në mbarë botën”.

“Masakrimet duhet të ndalen; armëpushim tani”, tha Mansour.

LEXONI GJITHASHTU:

• “Gjenocidi në Gaza, më i pashembullti në histori”, eksperti: U hodh bomba 2000 kg…
• Kreu i grupit fitues të Nobelit për Paqe: Gaza, si Japonia pas bombave bërthamore